डोगरी संस्था जम्मू आसेआ अज्ज श्री जगदीप दुबे हुंदे नाटक संग्रैह “डंगर” दा विमोचन के.एल. सहगल हाल च कीता गेआ। इस संग्रैह च दो नाटक न। कार्यक्रम च आए दे मेह्मानें दा सुआगत डोगरी संस्था दे प्रधान प्रो. ललित मगोत्रा होरें कीता। कार्यक्रम दी अध्यक्षता आदरजोग श्री दर्शन दर्शी ( कन्वीनर, साहित्य अकादमी, नमीं दिल्ली) होरें कीती। इस संग्रैह उप्पर आलोचनात्मक पत्र युवा प्रतिभाशाली थिएटर कार्यकर्ता अभिषेक भारती होरें पढ़ेआ। इस समारोह च मती गिनतरी च बक्ख-बक्ख भाशा दे लखारियें, साहित्यकारें, थिएटर, रेडियो, टेलिविज़न कन्नै जुड़े दे कलाकारें हिस्सा लैता। नाटककार जगदीप दुबे होरें नाटकें दे किश अंश पढ़े जिनेंगी बड़ा पसिंद कीता गेआ। श्री दर्शन दर्शी होरें लेखक दे कर्मठ प्रयास दी सराहना करदे होई आखेआ जे दुबे होर लगातार बेह्तरीन कतावां छापदे जा करदे न जेह्ड़ा डोगरी साहित्य आस्तै बड़ा गै अच्छा ऐ। एह् इंदी चौथी कताव ऐ ते दूई नाटकें दी। कार्यक्रम दा सफल मंच संचालन डोगरी संस्था दे महा सचिव डॉ. निर्मल विनोद होरें ते आए दे मेहमानें दा धन्नवाद संस्था दी सचिव डॉ. चंचल भसीन होरें कीता।

LEAVE A REPLY

Please enter your comment!
Please enter your name here